Guerra en Europa?

O atentado nun teatro de Moscova asasinando máis dun centenar de cidadáns rusos ten toda a pinta dunha operación de falsa bandeira. O Estado Islámico coñecido por ISIS atribuíuse o atentado. Con todo, varios sucesos fannos dubidar da veracidade desta declaración. Desde que Wikileaks fixo públicos os documentos secretos onde se mostraba como os membros do Estado Islámico estaban na nómina da CIA e desde a captura de varios comandantes de ISIS en Libia e Iraq resultaron ser axentes do Mossad israelí, xa sabemos que este grupo é un instrumento das políticas desestabilizadoras dos Estados Unidos de América (EUA) e Israel contra Gobernos "inimigos". Por iso non debe sorprender a ninguén que en cuestión de horas e antes de ningunha investigación sobre o atentado, xa Biden dixese que non era Ucraína senón o Estado Islámico o autor do atentado. Como Biden sabía quen era o autor do atentado se nin sequera comezara a investigación en Moscova? Non podemos perder de vista do que os EUA son capaces de voar o gasoduto ruso-alemán coñecido como o Nordstream diante de todos para impedir que Europa volva comprar gas ruso. E que casualidade que o mesmo día do atentado contra o Nordstream abriron o novo gasoduto desde Noruega que trae gas noruegués e estadounidense aos mercados europeos. Existen elites imperiais dos EUA que, ante a decadencia económica do imperio, soñan cunha guerra en Europa que destrúa todo Os perpetradores do atentado capturados polos servizos de seguridade rusos confesaron a man ucraína detrás do atentado. Todos foron capturados cando tentaban a escapar cara a Ucraína. É obvio que Ucraína non actúa sen autorización dos seus amos imperiais estadounidenses que son os que moven todo na guerra da OTAN contra Rusia vía Ucraína. O obxectivo do atentado era desgastar Putin no medio das eleccións rusas asociando os mortos ás políticas de Rusia en Ucraína e Siria. Pero o tiro saíulles pola culata porque todo apunta a un atentado da CIA vía Ucraína e, por conseguinte, o pobo ruso reaccionou rapidamente en contra do atentado e a favor das políticas de Putin. Guerra inminente Escoitamos nas últimas semanas elites europeas falando de prepararse para unha guerra. O mesmo Macron confesou que hai tropas da OTAN presentes no territorio de Ucraína apoiándoos na guerra contra Rusia en aspectos de asesoramento, adestramento e execución de operacións militares. Iso era un segredo a voces. Pero a recente declaración de Macron chamando abertamente a enviar tropas francesas a Ucraína para pelexar sobre o terreo contra os rusos ten un significado catastrófico. A entrada dun país con bombas nucleares como Francia nun conflito bélico directo con outra potencia nuclear como Rusia debería ser unha alarma vermella en toda Europa. A tolemia desta proposición de Macron pon en perigo a vida de millóns de europeos. Sorprende que non haxa un repudio masivo contra esta declaración de Macron en Europa. Nos EUA, igualmente, escoitamos desde hai varios anos políticos chamando a unha guerra nuclear contra Rusia. Quen serán os máis afectados? Obviamente, os pobos europeos. Pero o problema é grave porque dunha guerra nuclear non sairá ningún gañador. Serán todos perdedores. Todos escoitamos estas declaracións guerreristas pola prensa, pero son tan devastadoras as consecuencias destes pronunciamentos que actuamos como se isto non fose certo, como se non fose posíbel, coma se se tratase de declaracións sen ningún significado. Noruega, por exemplo, volveu instaurar o servizo militar obrigatorio baixo a xustificación de que hai que estar preparados para unha guerra en Europa. Existen elites imperiais estadounidenses que ante a decadencia económica do imperio, soñan cunha guerra en Europa que destrúa todo, que aniquile a millóns e que lles permita volver revivir un período de gloriosa de expansión económica por medio da reconstrución da infraestrutura europea como sucedeu despois da II Guerra Mundial. A nostalxia dos EUA de repetir a historia é un asunto moi serio que os europeos non deberían trivializar. Mais volvendo ao teatro de Moscova, non será este atentado que ten todo o selo de ser un operativo de falsa bandeira estadounidense vía Ucraína, un intento do imperio de provocar a Putin a que como represalia dea unha resposta violenta que escale a guerra en Europa? Lembremos que a solución que ofrece Davos á crise ecolóxica mundial é reducir a poboación do mundo. Os líderes europeos están a afacer a poboación europea á idea de que haberá unha guerra para que chegado o momento ninguén se sorprenda e a acepten pasivamente. Hai tempo que os líderes de Europa seguen cegamente as políticas guerreristas estadounidenses. Europa xa non ten soberanía para poder deter esta escalada guerrerista que o imperio estadounidense impuxo vía a OTAN. Toca aos pobos europeos organizar unha resistencia antiimperialista contra a guerra, pola paz e pola afirmación da vida. Non creo estar a esaxerar se lles digo que é un asunto de vida ou morte.