Un tripulante do pesqueiro Costa da Barca necesitou ser evacuado en helicóptero cando se atopaba a 17 millas ao norte de Estaca de Bares, no concello de Mañón, comarca de Ortegal, por un posíbel ictus.
Segundo informa Salvamento Marítimo a Europa Press, ás 11:11 horas desta cuarta feira, produciuse a primeira comunicación, cun contacto co Centro Radio Médico que recomendou a evacuación porque "podería tratarse dun ictus".
Así, o centro de Salvamento de Fisterra (comarca homónima) mobilizou o helicóptero Helimer 401, que realizou a evacuación ás 12:29 horas.
O home foi trasladado ao aeroporto coruñés de Alvedro, onde unha ambulancia trasladou ás 13,00 horas ao afectado.
