ACS

O grupo madrileño está dirixido polo presidente do Real Madrid, Florentino Pérez.

As dúbidas sobre as causas do derrubamento do viaduto do Castro (Pedrafita do Cebreiro), construído por unha unión temporal de empresas (UTE) formada por FCC e ACS, continúan. O informe encargado polo Ministerio de Infraestruturas a dúas empresas de enxeñaría para aclarar os motivos do sinistro  introducen novas incógnitas na investigación. Mentres os socialistas danas por boas, populares e nacionalistas demandan máis claridade.

A lóxica da contratación pública.

25 son os aeroxeradores que a enerxética ACS busca situar entre os concellos de Bande, Rairiz e Verea, nun 'macroproxecto' eólico que afectaría dúas reservas da biosfera. O colectivo Stop Eólicos denuncia que a compañía comezou negociar no verán coas comunidades de montes sen ofrecer toda a información sobre as súas intencións na contorna.

Stop Eólicos Xurés Celanova, Ecoloxistas en Acción e o Sindicato Labrego Galego protagonizaron unha palestra en Verea para informar a veciñanza dos perigos da instalación de máis parques eólicos nun concello onde o 40% do territorio está considerado "zona de aproveitamento eólico" polo plan sectorial galego.

As principais obras de infraestruturas na Galiza execútanas empresas foráneas. A isto contribúe que as construtoras madrileñas sexan as principais beneficiarias nas adxudicacións do Goberno do Estado. Na mesma liña, unha parte importante das obras licitadas pola Xunta non recaen en compañías galegas.

As hipóteses sobre o sinistro do viaduto da A-6 apuntan con forza a erros cometidos na fase construtiva. As empresas que ergueron a infraestrutura, como boa parte das compañías de obra civil, dependen, esencialmente, na súa operativa dos contratos públicos. A importancia das conexións políticas resultan fundamentais no seu modelo de negocio.

A caída dunha das pontes da A-6  situada no tramo entre Castro Lamas, no concello berciano de Veiga de Valcarce e Noceda, no concello galego de Pedrafita do Cebreiro puxo outra vez enriba da mesa a vinculación entre as empresas construtoras e o financiamento irregular dos partidos políticos.