Elisa Abruñedo

Este xoves a titular do Xulgado de Instrución número 2 de Ferrol decretou o ingreso en prisión provisional comunicada e sen fianza para o detido polo crime de Elisa Abruñedo, en Cabanas (Eume).

Elisa Abruñedo foi localizada nas proximidades do seu domicilio a principios de setembro de 2013, ás poucas horas de desaparecer. O corpo sen vida estaba a tan só 200 metros da súa vivenda, con diversas puñaladas e constatándose que fora tamén violada.

O detido permanece nos xulgados de Ferrol, onde ten previsto comparecer ante a xuíza do Xulgado de Instrución número 2, que ten decretado o secreto do sumario, e que suspendeu todos os asuntos programados para esta quinta feira e así centrase neste caso.

"Eu quero xustiza e que este tipo de xentuza, calaña ou merda paguen como teñen que pagar", di o fillo da vítima, Adrián Fernández, que demanda "xustiza" para a súa nai e asegura que nunca perdeu a esperanza.

A investigación, dirixida polo Xulgado de Instrución número 2 de Ferrol, atópase baixo secreto de sumario. A Garda Civil rexistrou o domicilio do acusado.