Mobilidade
Rafael Xoán
02/xan./24 8:23
Ante a ausencia de ferrocarrís ou un servizo por mar, coller un autobús é a única opción de transporte público que ten a veciñanza da Costa da Morte para desprazarse entre os poboacións da zona, ou até A Coruña e Santiago de Compostela. Porén, soportan unha serie de deficiencias que as empresas concesionarias, Monbus e Arriva, non foron capaces de solucionar nas últimas décadas. O colectivo de estudantes é un dos principais afectados, e xa houbo mobilizacións das nais e pais do alumnado.