A varíola do mono suma máis de 600 casos confirmados fóra de África, con Reino Unido á cabeza, seguido do Estado español e Portugal. Na Galiza consta un único positivo dos 156 notificados onte polo ministerio de Sanidade.
O Goberno anuncia que as vacinas contra a varíola chegarán "nos próximos días" e tamén se prevé a realización de probas PCR da mesma forma que coa Covid-19, a fin de afrontar un surto que "aínda é controlábel".
Pacientes que probaron tecovirimat nun estudo de científicos ingleses presentaron un cadro sintomático leve e de curta duración. Os investigadores subliñan a importancia de que os países estean coordinados para facer fronte con respostas rápidas a "gromos esporádicos" de varíola do mono.
O biólogo e investigador galego Pedro Romero Vidal chama a investir en investigación para controlar o impacto das doenzas de orixe animal, tanto das emerxentes como das coñecidas de vello.
Malia que "unha parte significativa dos casos identificouse entre homes que teñen sexo con homes", a ONU explica que o maior risco é o "contacto físico próximo con alguén infectado", e ese risco "non se limita ás relacións homosexuais". "As leccións da resposta á sida mostran que o estigma e a culpa dirixidos a certos grupos de persoas poden prexudicar axiña a resposta ao gromo", engade.
A varíola do mono motivou unha alerta internacional por parte das autoridades sanitarias que tamén atinxe á Galiza. Desde esta sexta feira, todos os dispositivos asistenciais contan cunha primeira definición de caso á espera dos protocolos específicos que está a elaborar o Ministerio de Sanidade.