Baltar convoca unha xunta directiva na que o PP dá por feito que renunciará a liderar o partido en Ourense

O presidente do PP de Ourense, Manuel Baltar, vén de convocar unha xunta directiva provincial para última hora da tarde desta sexta feira, na que o partido dá por feito que presentará a súa renuncia a seguir liderando as filas populares nesta circunscrición, despois de desistir hai uns meses de optar tamén á Presidencia da Deputación de Ourense. En principio, o sucesor de Baltar á fronte da Deputación de Ourense, Luís Menor, persoa de confianza do presidente do PPdeG e da Xunta, Alfonso Rueda, é o mellor situado para colocarse á fronte dunha xestora na provincia e despois asumir as rendas do partido tras o correspondente congreso provincial.