O Breogán visita o inferno turco na Champions

O Leite Río Breogán é un conxunto ferido. Construído para optar a metas maiores, a realidade é que unha vez superado o primeiro terzo da Liga ACB ocupa a penúltima posición. Polo contrario, a situación é ben diferente en Europa, pois nos catro partidos que disputou até o de agora na Basketball Champions League logrou imporse en dous dos catro partidos nos que participou até o momento. Esta terza feira ás 18 horas os celestes regresan á súa competición refuxio, e precisamente ante un dos equipos aos que se impuxo, o Bursaspor de Turquía, a quen derrotou por 68-48 na primeira volta. Nesta ocasión o obxectivo dos puntos será máis complexo, pois o fogar da escuadra otomana, o Tofaş Nilüfer Spor Salonu, é un recinto moi complexo para os visitantes que ten capacidade para 7.500 espectadores.