O Centro Social O Fuscalho da Guarda organiza unha gala solidaria con Palestina en Tomiño
25 de xaneiro de 2024 (18:30 h.)
O Centro Social O Fuscalho da Guarda (O Baixo Miño) organiza este sábado, día 27, no Auditorio de Goián, Tomiño, unha gala de carácter benéfico en solidariedade co pobo palestino, na que haberá música e poesía. Intervirán Pallasos en Rebeldía, Tino Baz, Peter Punk, High Paw, Lirolai, o Mago Marco, o Trebón dos Sidos, AveLina Pérez e Jesús Andrés Tejada, Marga do Val, Koki e pandereiteiras e gaiteiras do Fuscalho, entre outros moitos.