Convocadas as axudas para contratar vítimas de violencia machista en entidades sen ánimo de lucro
28 de xuño de 2023 (12:22 h.)
O DOG publica hoxe a convocatoria, por terceiro ano consecutivo, do programa de axudas destinado a garantir a independencia económica e laboral das mulleres vítimas de violencia machista para que poidan avanzar no seu proceso de recuperación. Entidades e cooperativas sen ánimo de lucro poderán beneficiarse destas achegas para contratar mulleres que sofren ou sufriron violencia de xénero. O prazo para solicitar os apoios ficará vixente desde esta quinta feira até o próximo 28 de xullo. Esta liña de incentivos conta cun investimento total de 600.000 euros e as axudas a entidades e corporativas sen ánimo de lucro van desde os 1.381 aos 2.763 euros mensuais pola contratación de cada muller a tempo completo, en función dos grupos de cotización.