Alcobendas, Puerto Sagunto e Mallorca, rivais dos equipos galegos na Copa de balonmán
22 de setembro de 2023 (18:03 h.)
A Real Federación Española de Balonmán (RFEBM) sorteou esta sexta feira os enfrontamentos para a primeira eliminatoria da Copa do Rei, torneo no que participan os tres equipos galegos que xogan na Liga Asobal —BM Cangas— e na División de Honra Prata —BM Cisne e Atlético Novás—. Só os pontevedreses do Cisne terán diante un equipo da súa mesma categoría, o BM Alcobendas —en Madrid—, pois o Cangas visitará o Mallorca, da categoría de prata, e o Novás recibirá na casa unha escuadra da elite, o Puerto Sagunto.