Cuntis e Muras rexistran refachos de vento por riba dos 100 quilómetros por hora este sábado
23 de marzo de 2024 (16:14 h.)
Os municipios de Cuntis (comarca de Caldas) e Muras (Terra Chá) rexistraron refachos por riba dos 100 quilómetros por hora este sábado, cando está en vigor un aviso amarelo nas provincias da Coruña e Pontevedra por fortes ventos do nordeste, de forza 7, segundo a información achegada por Meteogalicia. De madrugada, o vento alcanzou os 104,7 quilómetros por hora en Xesteiras, no municipio de Cuntis. Igualmente de madrugada, no Xistral, municipio de Muras, chegouse a 103,4 quilómetros por hora.