Desaloxan os veciños dun edifico en Ames tras declararse un incendio nun dos baixos

Un incendio declarado nun dos baixos dun edificio da rúa Rosalía de Castro do Milladoiro, en Ames (comarca de Compostela) obrigou a desaloxar por precaución os veciños das vivendas.Segundo a información proporcionada polo CIAE 112-Galicia, o lume iniciouse pasada a medianoite nunha empresa de informática situada nos baixos do edificio, presumibelmente por mor dun fallo eléctrico. O incendio provocou unha forte fumareda no edificio, especialmente na zona das escaleiras. Até o lugar foron mobilizados efecitvos do 061, Bombeiros de Boiro e de Santiago, GES de Brión, Garda Civil, Policía Local e membros de Protección Civil de Ames. Tras finalizar a intervención, os Bombeiros indicaron ao 112 que, debido ao lume, un baño, unha oficina e o falso teito do baixo sufriran danos e, a maiores, o resto do edificio viuse afectado polo fume.