Falece un operario en Curtis após caerlle unha árbore enriba

Un operario faleceu na tarde desta quinta feira en Curtis (As Mariñas) nun accidente laboral, ao caerlle enriba unha árbore. Segundo a información do CIAE 112-Galiza, o suceso aconteceu ás 17 horas no lugar de Outeiro do Pato, en Foxados, onde o home se atopaba traballando. Ao parecer, unha árbore caeu e golpeouno na cabeza. Até a zona desprazáronse efectivos da Garda Civil, GES de Curtis e Protección Civil da localidade, así como unha dotación do 061, que só puido certificar a súa morte.