Máis unha vez, a Galiza sae hoxe á rúa contra o xenocidio en Palestina
20 de novembro de 2023 (11:24 h.)
“Non é unha guerra, é un xenocidio”. Baixo este lema volven hoxe, segunda feira, as mobilizacións e concentracións en apoio e solidariedade para co pobo palestino en cidades e vilas galegas. Desta volta son 27 as concentracións, convocadas por Mar de Lumes, BDS-Galiza, Galiza con Palestina e a asociación galaico-área Jenin, e que decorrerán entre as 19 e as 20:30 horas, segundo os lugares.