Mariscadoras da ría do Burgo alertan da ausencia de "acondicionamento" previo para o sementado
03 de abril de 2024 (20:15 h.)
As mariscadoras e os mariscadores da ría do Burgo, na Coruña, denunciaron a ausencia de "acondicionamento previo" para o sementado de bivalvos con motivo das obras de dragaxe, nun informe elaborado pola Confraría. Nel analizan as obras executadas e outras aínda non rematadas nos distintos bancos marisqueiros e indican que "non se realizou acondicionamento previo dos bancos marisqueiros" necesario para o sementado.