Nova medalla de Ramos na Copa do Mundo de Ciclismo Adaptado

Outro metal nas antípodas. Se na segunda feira informábamos da medalla de ouro conquistada polo galego Damián Ramos na proba contra o reloxo durante a primeira parada da Copa do Mundo de Paraciclismo, que se levou a cabo até o día de hoxe en Adelaida (Australia), agora toca comunicar que o coruñés completou a súa participación cun novo éxito. Trátase dun un bronce na especialidade de fondo en estrada, onde se repetiu o podio da modalidade contra o reloxo, mais nunha orde distinta, finalizando en primeiro lugar o belga Clincke, segundo o polaco Bertolin e terceiro Ramos, que cos puntos obtidos deixa case atado o seu posto nos Xogos de París.