A ONG OpenArms rescata 46 persoas no Mediterráneo
03 de agosto de 2023 (09:38 h.)
A ONG OpenArms rescatou esta quinta feira en augas do Mediterráneo 46 persoas que viaxaban nunha embarcación en perigo. Segundo informou a ONG na súas contas das redes sociais, todos están a salvo e a bordo do seu remolcador xunto ás 24 persoas que recolleron o día anterior e que están na cuberta da embarcación. A eles súmanse outras 40 persoas que foron localizadas e asistidas por OpenArms na terza feira, 1 de agosto, cando viaxaban á deriva en augas internacionais ata que foron rescatadas polas autoridades italianas.