Os 'play-0ff', a tiro para Obradoiro

Están a tiro de pedra, a só un triunfo. A igualdade que caracteriza a Liga ACB fai que a diferenza entre o décimo terceiro clasificado (Surne Bilbao Basket) e Lenovo Tenerife, o oitavo -último posto que dá acceso a participar na próxima Copa do Rei de Baloncesto- sexa só dun triunfo, estando o Monbus Obradoiro inmerso nesa pelexa con pleno dereito grazas ás súas cinco vitorias. Iso si, para non descolgarse debe superar un rival directo como é Joventut de Badalona ás 12.30 horas de mañá. O Breogán, pola súa parte, podería facerlle un gran favor á escuadra capitalina se é quen de vencer o Bilbao a domicilio ás 18 horas deste sábado. Ademais, e xa no referente ao baloncesto feminino, este sábado (19 horas, Pavillón da Malata) hai derbi galego entre Baxi Ferrol e Durán Maquinaria Ensino.