Rexistrado un terremoto de magnitude 2,4 en Vilamarín

O municipio de Vilamarín, na comarca de Ourense, rexistrou nas últimas horas un movemento sísmico de magnitude 2,4, segundo recolle o Instituto Xeográfico Nacional. O terremoto produciuse ás 7.35 horas desta cuarta feira, con epicentro en Vilamarín e situado a unha profundidade de 11 quilómetros. Esta madrugada, o IXN rexistrou outro terremoto, de menor intensidade (1,7) no Atlántico, fronte á costa das Rías Baixas e con epicentro a 12 quilómetros de profundidade. Igualmente, o pasado domingo rexistrouse un terremoto de magnitude 1,5 ás 5.23 horas da madrugada. Nese caso, o epicentro estaba a 16 quilómetros de profundidade, no termo municipal de Guntín (comarca de Lugo).