A Xunta puxa polos murais coruñeses de Lugrís
22 de febreiro de 2024 (17:53 h.)
A Xunta de Galiza vén de presentar unha oferta no Xulgado Mercantil número 3 da Coruña para adquirir os murais realizados por Urbano Lugrís na rúa Olmos da Coruña, por un importe de 35.000 euros. O obxectivo da adquisición é restaurar o conxunto mural para poñelo a disposición da cidadanía. O Goberno galego avaliará a posibilidade de trasladalos ao Museo de Belas Artes da Coruña, onde pasarían a estar expostos tendo en conta as razóns de interese social, así como as cuestións de conservación.