A Ultranoite vai a Vite
Vite é en Compostela o que Coia a Vigo, o barrio traballador que se creou con familias que, sen excesivos recursos, se facían cunha vivenda imposíbel no centro urbano da cidade. Despois duns anos oitenta no que a droga martiriou á súa viciñanza, o camiño entre os dous séculos serviu para un novo desenvolvemento no que o barrio renaceu amparada pola aparición de edificios institucionais e universitarios e rodeados de zonas verdes. Ata Vite se dirixen este xoves Miguel de Lira, Patricia de Lorenzo, Manuel Cortés, Xron, Mónica García, Arantza Villar, Xacobe Martíne Antelo, Max Góme e Manuel Cebrián para artellar unha Ultranoite singular, celebrada en xoves e no centro sociocultural do barrio.
A Ultranoite, alén de contar coa propia historia do barrio, con figuras como o investigador Arquímides Maceira ou as históricas Marías, que viviron no Espírito Santo, servirá para dar a coñecer o programa Urbana Norte que ten como obxectivo o desenvolvemento desta zona da cidade que, ademais de Vite, inclúe Vista Alegre, o Romaño, Guadalupe, San Caetano, Almáciga, Concheiros, San Pedro, os Basquiños, Espírito Santo e Ultreia.