Un facsímile de Uxío Novoneyra conmemora os 40 anos do traslado dos restos de Castelao

A Fundación Castelao, e a Fundación Uxío Novoneyra presentaron esta quinta feira unha edición conmemorativa dos 40 anos do retorno de Castelao á Galiza, deseñado por Niko Alvarellos, con forma de facsímile co documento Castelao, Nacionalista Galego de Uxío Novoneyra e a súa transcrición, acompañado dun estudo histórico de Miguel Anxo Seixas Seoane e unha carta de Tareixa Navaza, coas lembranzas daquela xornada histórica.

A iniciativa, presentada polo secretario xeral da Lingua, Valentín García Gómez, e representantes das fundacións responsábeis da iniciativa, enmárcouse no programa de actos do 40ª aniversario da Volta de Castelao á Galiza.

Os restos de Castelao, foron traguidos polos que se confesan e profesan de non nacionalistas (algúns xa de vello, outros dende hai pouco)e quixeron meter e pechar o nacionalismo galego baixo da lousa de Santo Domingo de Bonaval xunto cos restos do seu líder histórico máis conocido e querido e de pensamento máis actuante e coiles enterrar a nosa esperanza. O noso mais grandee salvador soño colectivo: a libertade e recuperación de Galicia, da súa Cultura e da súa total decisión", escribía Uxío Novoneyra co gallo da volta dos restos de Castelao o 28 de xuño de 1984, hai hoxe exacatamente 40 anos.