A Universidade de Santiago lembra o 50º aniversario da Revolución dos Cravos portuguesa
Comezou na Facultade de Filoloxía a segunda parte do programa de actividades coas que a USC conmemora o 50 aniversario do 25 de abril.
Esta terza feira, 7 de maio, comezou na Facultade de Filoloxía a segunda parte do programa de actividades coas que a Universidade de Santiago de Compostela conmemora o 50º aniversario do 25 de abril. A Revolución dos Caraveis, o levantamento militar do 25 de abril de 1974 en Portugal, denominado en portugués Revolução dos Cravos, derrubou nun día o réxime ditatorial que existía no país veciño desde 1926.
A primeira das dúas xornadas que compoñen a segunda parte do programa, dedicada ao 25 de abril na historia, tivo lugar esta terza feira. cunha charla co major general Pedro de Pezarat Correia, que explicou como o golpe militar se converteu nunha revolución.
Transicións ibéricas
Logo, ás 19.15 horas no Museo do Pobo Galego desenvolveuse un coloquio sobre as transicións ibéricas no que participaron Fernando Rosas, Nieves Lagares e Manuel de Artaza, moderado por Antón Losada.
Esta cuarta feira, 8 de maio, Fernando Rosas ofrecerá, ás 11 horas, na sala de actos de Filoloxía, unha conferencia sobre a memoria histórica do 25 de abril, un evento co que conclúe o programa de actividades.