María de Valdés, décimo sétima, queda sen diploma na maratón de augas abertas

Estes eran os primeiros Xogos Olímpicos de María de Valdés, nadadora natural de Fuengirola (Andalucía) pero con licenza galega e afincada na Coruña desde hai anos, e malia ser consciente da dificultade, non se puña teito e buscaba volver de París cun diploma baixo o brazo. De Valdés chegaba co cartel de subcampioa mundial -por centésimas- e disposta a dalo todo nas controvertidas augas do río Sena.

Máis hoxe non foi o día. A neerlandesa Sharon van Rouwendaal —que xa lle 'roubara' o ouro no Mundial a María de Valdés—, a australiana Moesha Johnson e a italiana Ginevra Taddeucci empezaron a distanciarse cedo do grupo e, de feito, foron quen acabaron subindo ao podio, por esa orde. A nadadora da Coruña non puido aguantar o ritmo do grupo de líderes e foi quedando rezagada. Terminou cruzando a meta na décimo sétima posición a uns tres minutos e medio da vencedora.