O CD Lugo máis perto da segunda
03 de xuño de 2012 (20:18 h.)
Os branquivermellos derrotaron ao Atlétic Balears por 3 a 1 e agardan gañar o 24 de xuño para subir de categoría.
Importante vitoria a do CD Lugo diante do Atlétic Balears hoxe no Ángel Carro. Neste primeiro partido da segunda eliminatoria os de Quique Setién comezaron moi fortes con dous goles ao principio do encontro, obra de Quero e Belencoso. O terceiro, despois dun remate de cabeza de Belfortti, presaxiaba unha eliminatoria doada para o Lugo mais cando o xogo estaba a rematar os de Balears conseguiron marcar o tanto que deixa a incertidume até o vindeiro día 24 de xuño.