O 36% da cifra de negocio en Galiza corresponde a empresas con sede fóra do país
Por volta de 4.500 compañías que operan aquí teñen sede fiscal noutro territorio. Representan o 14% do emprego que xeran en Galiza as empresas.
Un de cada tres euros de cifra de negocio das empresas con actividade en Galiza corresponde a compañías con sede fóra do noso páis: o 36,2% do total. O número de empresas que operan aquí mais teñen a súa sede alén do padornelo anda polas 4.500. Representan, estas firmas, o 14% das persoas que no noso país traballan nunha compañía.
No que ratinxe ás empresas con actividade industrial e sede en Galuza que en 2014 realizaron algunha actividade económica noutro territorio, o 7,4% do importe neto da cifra de negocios destas empresas facturouse fóra do noso país. Ademais, o 5% dos traballadores das empresas con sede en Galiza e actividade na industria estaba ocupado noutra comunidade autónoma do Estado español.