Servizos e industria nutren o aumento do paro rexistrado en Galiza no mes de setembro
O número de persoas anotadas nas oficinas de desemprego aumentou en 1.291 en setembro. A afiliación á Seguridade Social caeu en 6.218.
O paro rexistrado aumento en Galiza en 1.291 persoas no mes de setembro, un mes tradicionalmente malo para os datos de emprego. En setembro de 2014 as persoas desempregadas incrementaran en 2.005 e en 2014 en 1.264, por centrarnos nos dous anos anteriores. A fin do período estival supón tamén a fin da 'burbulla' de contratación temporal en xullo e agosto sectores relacionados coa hostelaría e o turismo.
De feito, en setembro rexistráronse no sector servizos 2.309 parados. O outro sector onde aumentou o desemprego foi na industria, con 156 parados novos. Baixa, iso si, na construcción e agricultura. Outra constante xa do mercado laboral galego é a temporalidade. Asináronse nese mes 93.780 contratos dos que 87.000 foron temporais.
No que atinxe á afiliación á Seguridade Social, esta descendeu en 6.218 persoas en setembro. Desde setembro do ano pasado aumentou en 15.415 afiliados mais nese mesmo período hai 21.401 novos empregados. Hai unha diferencia de máis de 6.000. Son os empregos que se destruíron nestes meses en Galiza.
Dos 194.000 parados rexistrados en Galiza no mes pasado só 93.934 son beneficiarios de prestacións de desemprego.