As noitadas hostaleiras na Galiza aumentan 14,1% en maio

A Galiza rexistrou un total de 911.535 noitadas hostaleiras en maio, o que supón u14,1% máis que no mesmo mes de 2023, segundo datos publicados esta segunda feira polo Instituto Nacional de Estatística (INE).

Así, A Galiza recibiu 552.134 viaxeiros e viaxeiras no quinto mes deste exercicio, 14,9% máis que un ano antes, dos cales 290.790 eran residentes no Estado e 261.343, no estranxeiro. Desta maneira, a estancia media na Galiza foi de 1,65 días, por baixo da media estatal, que ascende ata os 3,04 días.

O grao de ocupación medio foi de 45% segundo o número de prazas dispoñíbeis, por baixo de 61,7% da media estatal. Isto supón que 52,96% das habitacións contaban con hóspedes. En fin de semana, 52,07% das prazas estaban ocupadas de media.

O prezo medio diario foi de 70,61 euros, 5,11% máis, moi por baixo dos 111,65 euros da media do total do Estado (+9,16%). Os ingresos medios por habitación dispoñible na Galiza foron de 36,79 euros, un 17,32% máis, aínda que por baixo de 78,66% da media estatal (+15,57%).

A nivel estatal, as noitadas en estabelecementos hostaleiros aumentaron 11,1% o pasado mes de maio respecto ao mesmo mes de 2023, superando os 35,7 millóns, sempre segundo os datos de Conxuntura Turística Hostaleira do INE. Nese mes, os hoteis facturaron 111,7 euros de media por cuarto ocupado, un 9,2% máis que o mesmo mes do ano anterior.