CxG presenta algunhas das medidas económicas do seu programa
Compromiso por Galicia vén de anticipar algunhas das propostas que incluirán no capítulo económico do seu programa electoral, aínda en elaboración e que será presentado proximamente. Todas xiran entorno a unha idea forza, “mudar as bases do noso modelo de desenvolvemento económico apostando polo coñecemento, a inovación e o emprendemento”.
Entre as medidas que apuntan na forza liderada por Xoán Bascuas, atópase a creación dunha Axencia galega de ciencia e innovación, en que se concentrarían todas as competencias nos eidos da innovación e o emprendemento. CxG aposta por “apoiar á pequena e mediana empresa” así como por “políticas públicas de reactivación económico”. Políticas que desde Compromiso apuntan serán compatíbeis co “aforro e a contención do gasto público”. Neste sentido, sinalan como medidas concretas a redución do gasto farmacéutico ou a eliminación das deputacións provinciais.
Asemade, manifestan a súa aposta por implementar o modelo de “orzamentos participativos” para a elaboración dos presupostos da Xunta mais sen concretar, polo momento, de que xeito.
Encontros co empresariado
Dentro da axenda de CxG para esta semana figura a celebración de varios encontros con organizacións empresariais. Esta terza reuniranse coa Asociación comarcal de empresarios da Estrada e a cuarta farano coa Asociación de empresarios de Bergondo.