Merkel chama a Rajoy para lle pedir explicacións pola represión contra Catalunya
Primeira reacción de peso na esfera internacional. A chanceler Angela Merkel chamou esta tarde a Mariano Rajoy para lle pedir explicacións pola brutalidade policial contra votantes en Catalunya este 1-O.
A noticia deuna o responsábel da sección de Economía de Die Welt, un dos rotativos de maior influencia en Alemaña.
Merkel tería marcado o telefone da Moncloa para recabar a versión do Goberno español após o saldo de 761 persoas feridas deixado pola acción represiva do Estado este 1-O.
É sen dúbida a reacción internacional de maior peso das producidas este domingo, mais non a única. O chefe do Executivo belga, Charles Michel, tamén denunciou no seu twitter que "a violencia nunca pode ser a solución", mentres a primeira ministra escocesa, Nicola Sturgeon, mostraba a súa consternación e expresaba a súa condena.