Prisioneiros toman reféns nun cárcere ruso
Varios prisioneiros tomaron reféns nun cárcere do oblast de Volgogrado, no sur de Rusia, segundo informa o Servizo Penal Federal de Rusia (FSIN, polas súas siglas en ruso). "Actualmente estanse tomando medidas para liberar aos reféns", sinala o comunicado.
Hai vítimas tras os feitos. Polo menos catro persoas resultaron feridas e posteriormente foron trasladadas a un hospital, declarou o gobernador de Volvogrado, Andréi Bocharov, que reiterou que non existe ameaza para a poboación civil. O presidente de Rusia, Vladimir Putin, declarou que foi informado sobre a toma de reféns na prisión.
Desde o FSIN indicaron que os feitos se rexistraron na prisión de alta seguridade 19 durante unha reunión da comisión disciplinaria, nun cárcere situado na cidade de Surovíkino e que, segundo datos oficiais, alberga máis de 1.200 prisioneiros.
Unha comisión do aparello central do Servizo Penal Federal de Rusia dirixiuse ao cárcere para realizar unha inspección. Mentres tanto, o Comité de Investigacións ruso sinalou que se abriu unha causa penal en relación coa toma de reféns na prisión.
Información falan de cando menos un garda morto
Fontes da axencia rusa TASS falan de cando menos un garda falecido a mans de tres presos que poderían ser membros de Estado Islámico, quen agora mesmo terían a catro persoas baixo o seu control, aínda que esta información non foi confirmada de maneira oficial.