Somos animais co roupa (no mellor dos casos)
Carracán.- Roupa de durmir infantil aberta polo lombo.
Lugar de escoita.- San Martiño e Sto. Adrán de Cobres (Vilaboa do Morrazo).
Fonte.-Sé Anxo Rosales González.
Outros apuntamentos.- O carracán debía ter botonciños.
Cubritó.- Peza de roupa de abrigo que se pon por riba.
Lugar de escoita.- A Terra Cha.
Fonte.- Baldomero Iglesias Dobarrio.
Flavia.- Roupa de mala calidade.
Exemplo: “Mirade con que flavia vai o pobre”.
Lugar de escoita.- Agolada (Pontevedra).
Fonte.- Tareixa e Marica Campo Domínguez.
Landó.- Peza de roupa de abrigo
Lugar de escoita.- A Terra Cha.
Fonte.- Baldomero Iglesias Dobarrio.
Levitó.- Peza de roupa de abrigo que se pon por riba.
Lugar de escoita.- A Terra Cha.
Fonte.- Baldomero Iglesias Dobarrio.
Someter.- (Ademais dos significados xa coñecidos). Colocar unha peza de roupa dentro da outra coa intención de suxeitala.
Exemplo: “Somete a camisa, que a levas por fóra”.
Lugar de escoita.- Ferrolterra e Mariña luguesa
Fonte.- Xosé Luís Martínez Pereiro.
Visar.- (Ademais de significados xa recollidos) Transparentar unha prenda de roupa.
Exemplo: “Tes que ter coidado con ese vestido, que che visa todo”.
Lugar de escoita.- Burela (Mariña luguesa)
Fonte.- Mario Ferreira.
.