Faraldo votou para “lograr o éxito de botar o PP”
18 de febreiro de 2024 (13:45 h.)
A candidata de Podemos recoñeceu estar “nerviosa” e “emocionada”.
Isabel Faraldo, candidata de Podemos á presidencia da Xunta, votou este domingo destacando a “transformación” da formación morada.
A política puxo en valor o éxito que suporía “botar ao PP da Xunta”, nunhas declaracións aos medios de comunicación logo de depositar na urna do Centro Cívico Sagrada Familia o seu voto.
Despois de agradecer o “esforzo” a “todas as persoas que fan posíbeis as eleccións”, confesou estar “nerviosa” e “emocionada” logo dunha campaña na que Podemos estivo nun escenario “moi difícil”.
Faraldo, na liña do resto de líderes políticas, agarda unha “ampla participación”, e concluíu indicando que “o cambio é posíbel na Galiza”.