San Ramón sitúa Podemos como garantía de "avance nos dereitos" no inicio de campaña en Ferrol
Podemos, que se presenta nestes comicios só ou en coligazón en varios concellos, escolleu Ferrol para iniciar a campaña. Alí, o seu coordinador na Galiza, Borja San Ramón, arroupou Aitor Cordero, alcaldábel da formación morada na cidade. O responsábel de Podemos na Galiza situou as súas candidaturas como "chave" para "garantir e avanzar" en dereitos sociais.
Defendeu, ademais, a papeleta a Podemos como unha vía para as políticas "de progreso" en campos como a vivenda, a sanidade, o ensino ou os dereitos laborais. Nesta localidade a formación morada concorre en solitario —á marxe de Ferrol en Común—.
Os "recortes" da Xunta
En difernetes actos ao longo destes úlñtimos días, o coordinador nacional de Podemos Galicia reprochou á Xunta unha política de "recortes" en materia de dependencia e comprometeuse a atender esta área desde os concellos.
E é que para San Ramón, sería "inxustificábel" que a Galiza se sitúe "no ranking das comunidades que menos invisten en dependencia".
Fíxoo ao aludir ao último estudo do Observatorio da Dependencia, "que reflicte que o gasto por persoa beneficiaria na Galiza é 20,8% inferior á media estatal, despois de recortarse un 29%".
San Ramón afirma que "a liña de actuación a curto prazo ante este problema estaría en "paliar as deficiencias da Xunta desde os concellos".
Neste sentido, alude a "a remunicipalización do Servizo de Atención no Fogar (SAF) ou á súa creación nos concellos onde non exista, así como a apertura de novas prazas en centros de día e de noite".