Alerta amarela na costa noroeste da Galiza por vento e ondas de máis de catro metros
12 de decembro de 2023 (09:56 h.)
Segundo explica Meteogaliza, ao longo destas xornadas continuará esta situación inestábel debido a unha borrasca situada sobre Inglaterra.
A costa noroeste da Galiza está esta terza feira e até a vindeira cuarta feira baixo alerta amarela por vento de suroeste forza 7 e fenómenos costeiros, con ondas de máis de catro metros.
Segundo explica Meteogaliza, ao longo destas xornadas continuará esta situación inestábel debido a unha borrasca situada sobre Inglaterra.
Deixará mar combinado do oeste con ondas superiores aos catro metros entre Fisterra e Estaca de Bares, así como choivas intensas.
Precipitacións
Por iso, e respecto a este último punto, para esta terza feira actívase tamén a alerta amarela por choivas intensas no suroeste.
Entre as 03 e as 06 horas, prevén unha concentración de máis de 15 litros nunha hora.