Aparece o cadáver dun home no leito dun río en Fene
O cadáver dun home foi rescatado a media mañá desta sexta feira no leito dun río situado na parroquia de Perlío, en Fene (comarca de Ferrolterra).
Segundo trasladaron profesionais do servizo de emerxencias a Europa Press o corpo sen vida deste home atopábase nunha zona moi estreita, polo que tiveron que adentrase quince metros até que lograron sacalo.
A súa morte xa foi notificada polos profesionais de Urxencias Sanitarias de Galiza-061, que se trasladaron cunha ambulancia.
No lugar tamén acudiron axentes da Policía Local de Fene e Garda Civil, que se encarga de investigar o motivo deste falecemento.
Na zona onde se localizou este corpo inícianse esta sexta feira unhas festas, estando xa colocadas na zona un bo número de barracas e atraccións de feira.