Baixan en 21 os casos activos na Galiza, até os 542

O número de persoas recuperadas seguen en aumento e incrementan a cifra total a 10.221, 43 nas últimas 24 horas, segundo o informe de Sanidade, que indica que 26 persoas permanecen aínda en unidades de hospitalización convencional, as mesmas que o día anterior.

Si baixan en 21 as persoas con seguimento no domicilio, que hoxe son 515.

Dos 542 casos activos, 196 corresponden á área sanitaria de Vigo (un máis que o venres), 124 á da Coruña (oito menos), 110 á de  Compostela (catro menos), 49 á de Ourense (dúas menos), 33 á de Lugo (catro menos), 14 á de Ferrol (catro menos) e 16 á de Pontevedra.

Desde o inicio do brote da pandemia, en Galiza producíronse  618 falecementos de pacientes con COVID-19 e hai 10.221 persoas curada.

Até o momento  realizáronse na Galiza 149.242 tests PCR, 1.092 nas últimas 24 horas, segundo a Xunta.