Buscan un veciño do Covelo de 94 anos desaparecido desde o mediodía deste sábado
31 de agosto de 2024 (19:10 h.)
A prioridade dos equipos de emerxencia é atopalo antes de que se poña o sol.
A Garda Civil iniciou un dispositivo para tratar de localizar un home do Covelo (A Paradanta), de 94 anos, que desapareceu no mediodía deste sábado.
Segundo fontes consultadas pola axencia Europa Press, o home saíu a camiñar sobre as 13 horas, como facía habitualmente, pero non regresou á casa.
Por este motivo, a familia deu a voz de alarma sobre as 18 horas deste sábado para tratar de localizalo.
A prioridade dos equipos de emerxencias é localizar o home antes de que se faga de noite.