Non é un envío habitual pero é, seguro, dos que a calquera lle gustaría recibir. Un servizo estacional que. Coa chegada do outono Correos volve pór en marcha na Galiza e noutros territorios cunha forte produción de castañas, como é o caso do Bierzo.
A Galiza comerciliza cada ano entre 15 e 20 millóns de quilos de castañas, mais non todas fan parte de grandes cadeas de distribución que venden este froito a clientes dunha trintena de país. Así, ademais daquelas destinadas ao consumo propio, hainas que poden chegar a destino por outras vías.
Correos vén reabrir un servizo temporal para o envío deste produto por paquetería. Está activo en 20 concellos galegos.
- Becerreá, nos Ancares.
- Samos e Sarria, na comarca de Sarria.
- Quiroga, na comarca homónima.
- O Saviñao, en Terra de Lemos
- Chantada, na comarca homónima.
- Silleda, no Deza.
- Bande, na Baixa Limia.
- O Barco e A Rúa, en Valdeorras.
- Castro Caldelas, en Terra de Caldelas.
- Cortegada e Ribadavia, no Ribeiro.
- Gomesende e Padrenda, Terra de Celanova
- Viana e A Gudiña, en Viana.
- Maceda, en Allariz-Maceda
- A Pobra de Trives, en Terra de Trives
- Verín, na comarca homónima.
A campaña prolongarase até o 30 de novembro e estará dispoñíbel tanto en oficinas postais como mediante os carteiros rurais, que recollerán o produto directamente na porta dos domicilios daquelas persoas interesadas que o soliciten.
Desta forma, a veciñanza desta vintena de municipios poderá mandar nun paquete a cantidade de produto que desexe, coa recomendación de que o sequen ben ao recibiren as castañas. Correos ofrece un prezo reducido con descontos a respecto da tarifa estándar desta modalidade e paquetería.
