Dezaoito mobilizacións percorrerán Galiza na greve estudantil
Erguer convoca oito manifestacións e dez concentracións en vilas e cidades do país co gallo do paro convocado para o 13 de abril no ensino público.
Na vindeira cuarta feira (13 de abril) o estudantado galego está chamado á folga a prol da derrogación da LOMCE e do decreto 3+2. Neste senso, a organización estudantil Erguer convocou mobilizacións por todo o país coas que visan encher a rúa de estudantes e amosar así o seu rexeitamento á política educativa implementada nos últimos anos polo Partido Popular desde os gobernos galego e español.
Á convocatoria da greve súmanse tamén outros movementos estudantís como Asemblea Nacional de folga, un colectivo apoiado polos encerramentos nas Facultades de Filosofía e Ciencias da Educación (USC) mais que conta con presenza nos demais campus do país. Aliás, o Sindicato de Estudiantes fai extensíbel a xornada de loita ao 14 de abril.
A maior parte das mobilizacións foron convocadas ás 12h.
- MANIFESTACIÓNS
A CORUÑA – Praza de Vigo
COMPOSTELA – Alameda
FERROL – Edificio da Xunta
LUGO – Praza do Seminario
PONTEVEDRA – Praza da Peregrina
OURENSE – Subdelegación de Goberno
MELIDE – IES de Melide
VIGO – Praza América
- CONCENTRACIÓNS
CALDAS DE REIS – Carballeira
CANGAS DO MORRAZO – Casa do Concello
MOAÑA – Casa do Concello – Ás 11h
PONTEAREAS – diante dos institutos (r/ Feliciano Barrera)
VILAGARCÍA DE AROUSA – Praza de Galiza
RIBADEO – diante do IES de Ribadeo
CASTRO DE REI – diante do Instituto Xosé Trapero
RIBEIRA – estación de autobuses
O CARBALLIÑO – Praza Maior – Ás 20h
VERÍN – diante do IES Taboada Chivite