Evacuado en helicóptero un veciño de Moaña tras ser golpeado pola caída dun tronco mentres cortaba leña
Un veciño de Moaña (comarca do Morrazo) tivo que ser evacuado en helicóptero após ser golpeado pola caída dun tronco mentres cortaba leña para o seu propio consumo.
Segundo informou o 112, o accidente produciuse no mediodía desta quinta feira nunha propiedade situada no lugar de Paradela e foi un particular o que deu a voz de alarma.
A central de emerxencias pediu colaboración aos profesionais de Urxencias Urxencias Sanitarias de Galizaa-061 que acudiron a bordo do helicóptero medicalizado con base en Compostela para evacuar o ferido.
Até o lugar tamén se desprazaron os membros do Servizo Municipal de Protección Civil de Cangas e a Policía Local de Moaña.
Por outra parte, un operario resultou ferido nunha perna sobre as 12:30 horas desta quinta feira cando cortaba unha árbore en Muros (comarca homónima) e o tronco caeu enriba del.
Noutra orde de cousas, nunha granxa do Rial, en Allariz (Allariz-Maceda), unha persoa tivo que ser evacuada polas lesións provocadas durante o manexo dunha motoserra.