Falece un home de 88 anos que se bañaba na praia de Riazor
23 de xullo de 2024 (13:19 h.)
Os feitos producíronse pouco antes das 11 horas no areal da urbe herculina. Segundo informou o 112 Galiza, un socorrista solicitou a intervención dos profesionais sanitarios tras sacar á vítima da auga.
Un home de 88 anos faleceu esta terza feira cando se bañaba na praia de Riazor, na cidade da Coruña. Os feitos producíronse pouco antes das 11 horas no areal da urbe herculina. Segundo informou o 112 Galiza, un socorrista solicitou a intervención dos profesionais sanitarios tras sacar á vítima da auga.
Até o lugar, o Servizo de Urxencias Sanitarias da Galiza-061 enviou unha ambulancia de soporte vital avanzado medicalizada e o equipo médico realizou manobras de reanimación cardiopulmonar ao home, mais nada se puido facer por salvarlle a vida. No operativo, ademais do Servizo de Urxencias Sanitarias, tamén foron mobilizados efectivos da Policía.