Falece unha persoa en Paderne de Allariz tras chocar o seu tractor contra un vehículo estacionado
17 de agosto de 2024 (12:12 h.)
Segundo informou o 112, o suceso ocorreu sobre as 8 horas deste sábado 17.
Unha persoa perdeu a vida tras chocar o tractor que conducía contra un vehículo estacionado en Ousende, en Paderne de Allariz (comarca de Allariz-Maceda).
Segundo informou o 112, o suceso ocorreu sobre as 8 horas deste sábado e até o punto desprazouse o helicóptero medicalizado con base en Ourense.
Non obstante, os profesionais sanitarios non puideron facer nada por salvarlle a vida. Pola súa banda, a Garda Civil indicou que non descarta que a persoa falecese por causas naturais no tractor e o vehículo seguise circulando até chocar co turismo.
No operativo tamén participaron os Bombeiros de San Cibrao, membros do GES de Maceda, a Garda Civil e membros da Agrupación de Voluntarios de Protección Civil de Allariz.