Afecta a programación da CRTVG
A folga feminista cancela o Luar
08 de marzo de 2019 (23:44 h.)
O seguimento da mobilización feminista deste 8M está a alterar a programación dos medios públicos de comunicación de Galiza.
Ao longo da maña da sexta feira, a Radio Galega emitiu de xeito continuado cortes en que informaba as persoas ouvintes de que “o seguimento da folga convocada polo Día da Muller impide a programación habitual”.
Na Televisión Galega, o programa Bos Días foi unicamente presentado por un home, cando habitualmente tamén o fai unha muller. Ademais, a canle pública cancelou a emisión de A Revista. Aliás, a folga obrigou a suspender o programa Luar. O programa presentado por Xosé Ramón Gaioso levaba emitíndose cada sexta feira desde 1991. No seu lugar, repuxeron un especial sobre Julio Iglesias.