Tres persoas resultan feridas tras chocar unha ambulancia cun turismo que circulaba en sentido contrario pola A-52
Aconteceu ás 14.50 horas desde domingo á altura da Caniza (A Paradanta).
Tres persoas resultaron feridas tras chocar unha ambulancia cun turismo que circulaba en sentido contrario pola A-52, autovía das Rías Baixas, á altura da Caniza (A Paradanta).
Segundo informaron fontes do 112, o suceso produciuse sobre as 14.50 horas deste domingo cando o turismo, que circulaba en dirección contraria, chocou frontalmente contra a ambulancia que se dirixía a Ourense.
As persoas feridas, dúas ocupantes da ambulancia e o condutor do vehículo, foron trasladados ao centro hospitalario de referencia. Até o punto, ademais do persoal sanitario, desprazáronse axentes da Garda Civil.
Antes de acontecer o accidente, a central de emerxencias recibiu o aviso de varios condutores que alertaban dun vehículo que circulaba, coas luces de emerxencia postas, en sentido contrario pola A-52.