Renfe emite na Galiza máis de 82.000 abonos gratuítos de proximidade e Media Distancia e Avant bonificados a 50%

Renfe expediu na Galiza perto de 82.800 abonos gratuítos de proximidade, Avant e Media Distancia bonificados a 50% para desprazamentos nos trens de Servizo Público, realizados entre o 1 de maio e o 31 de agosto de 2024.

Do total de abonos utilizados no segundo cuadrimestre deste ano, case 82.400 corresponden a títulos gratuítos para os servizos de proximidade e Media Distancia da Galiza. Así mesmo, Renfe expediu perto de 400 abonos Avant para os servizos de Alta Velocidade, que contan cunha bonificación de 50% por parte do Estado.

A nivel estatal, Renfe emitiu neste período 2,6 millóns de abonos, dos que máis de 1,8 millóns corresponden a títulos de proximidade e Rodalies, e máis de 648.000 a abonos de Media Distancia. Así mesmo, adquiríronse 173.000 bonos Avant bonificados a 50%.

Os usuarios de Renfe poden obter os abonos gratuítos de proximidade, Rodalies, Servizos de Proximidade e Media Distancia durante todo o seu período de vixencia, para viaxar desde o 1 de setembro atéo 31 de decembro deste ano.