Vázquez di que os pellets afectan "unha pequena parte das nosas praias"

Un cambio no sentido dos ventos e o fluxo das correntes empuxará os pellets procedentes da carga perdida do 'Toconao' cara ao mar Cantábrico a partir da tarde deste domingo, co que a Xunta da Galiza prevé que os plásticos "esquiven" a costa galega e se dirixan ao litoral de Asturias e Cantabria.

Así o afirmou a vicepresidenta segunda e conselleira de Medio Ambiente da Xunta, Ángeles Vázquez, nunha entrevista concedida na mañá deste domingo á Radio Galega, onde sinalou que a estimación parte dos cálculos dos especialistas de Meteogalicia.

Vázquez sinalou que estas predicións se manterán desde a tarde deste domingo até a terza feira, xornadas nas que se espera que a vertedura "na súa maioría" se dirixa máis cara ao litoral cantábrico que ao atlántico.

Vázquez sinalou que, nestes momentos, a chegada de pellets plásticos concéntrase na zona das Rías Baixas e "con menor intesidade" afecta á Mariña, aínda que as simulacións apuntan a ese cambio de tendencia a partir deste domingo.

En total, traballan 300 persoas despregadas en 56 praias, aos que se suman dous helicópteros, cinco buques e sete embarcacións. No balance destacou a recuperación dun saco de pélets enteiro en Valdoviño durante o sábado, ao que suma a localización doutro en Laxe, que será sacado este domingo da zona de rocas onde foi avistado.

A vicepresidenta volveu desbotar que precisen da Administración estatal medios en terra porque e puxo o acento en que é necesario "dimensionar" o problema que cre que se tratou de usar por parte dos partidos da oposición na Galiza como elemento para tratar de lograr votos de cara ás eleccións do 18-F.

"Creo que temos que dimensionar este problema, que afecta unha parte ben pequena, a deus grazas, das nosas praias, porque contamos cun total de 960 praias e até agora, fixar, recolleron e chegaron a unhas 56", aseverou antes de negar que se viron afectados a vertedura o Parque Nacional das Illas Atlánticas e o de Corrubedo.

"Hai unhas eleccións a volta da esquina e alguén quixo, á parte de dimensionar o problema, non actuar, ocultar e encima bo enlamar esta situación. Por tanto, até agora non cremos necesario máis operativo en terra", sentenciou.