Traballadores de Política Social denuncian un “ERE encuberto” de persoal temporal
Concentráronse diante do Parlamento para denunciar o artigo 12 da lei de Acompañamento dos orzamentos, que atinxe 3.000 empregos que “poden acabar na rúa”-
Máis dun cento de traballadores da área de Política Social da Xunta concentráronse diante do Parlamento galego para protestar contra o artigo 12 da Lei de Acompañamento dos Orzamentos, que afecta uns 3.000 empregados que poden perder o traballo, afirman. Refírese o artigo ao persoal temporal que desenvolve postos de traballo de persoal funcionario e engade unha disposición transitoria á lei de emprego público de Galiza para a transformación en postos de natureza funcionarial das vacantes que viñesen realizando eventuais a través das correspondentes relacións de postos de traballo.
Isto implicará, advirten “unha privatización dos servizos» e, basicamente, “chimpar os temporais. O que piden estes traballadores é que haxa unha negociación. Calculan que o 70 ou 80% dos que desenvolven labores na área de Política Social poden estar afectados. “Levamos desde o 2005 sen praza e somos o persoal máis vendido”.