Barreiros

Case oitenta persoas matriculáronse xa para asistiren durante os dous próximos meses as clases da Universidade Rural de Barreiros, organizadas en Sementes e promovidas polo colectivo Cultural Ollomao xunto coa Vicepresidencia da Deputación de Lugo. 

O Tribunal Superior de Xustiza de Galiza vén de anular o Plano Sectorial polo que a Xunta tentaba legalizar máis de tres mil vivendas en Barreiros. Recoñece ademais a existencia de “desvío de poder” na súa actuación, o que, para a concelleira do BNG Ana Ermida, tería que ser motivo de dimisións no goberno de Feijóo. Con pouco máis de 3.000 habitantes, en Barreiros déronse licenzas para 6.000 vivendas. 

O Tribunal Superior de Xustiza de Galiza acaba de ditar sentenza sobre o Plano Sectorial de Barreiros, ao estimar o recurso interposto por Adega contra o acordo do Goberno galego adoptado o 26 de Maio de 2011. Adega presentou a demanda ao aprezar "desviacion de poder" da Xunta. O TSGX vénlle dar a razón.

Polo seu "discurso rancio e machista", o BNG solicita do goberno galego no Parlamento a reprobación do alcalde de Barreiros. O rexidor do PP, Alfonso Fuente, manifestara no pleno que “as feministas deixan de selo cando casan”. 

O Colectivo Cultural Ollomao enche o pavillón do Colexio de San Miguel de Reinante (A Mariña) coa representación d'Os vellos non deben de namorarse.

O domingo ás 18.30 o Apalpador compartirá contos do Courel coa cativada de Barreiros e agasallaralle unha pranta dunha árbore autóctona. O vello carboeiro chegará á Mariña xa pola mañá convidado polo Colectivo Cultural Ollomao que trae tamén para facerlle compaña a Pablo Díaz e o seu espectáculo “Tic-tac”.

Que vale un río? No Colectivo Ollomao levan todo o ano descubrindo o valor do Masma, o río que atravesa o concello de Barreiros. Agora, para rematar o ano, organizan as xornadas de historia local “Ao son do Masma” que terán lugar o sábado 29 ás 16.30 horas nas Escolas de Celeiro de Mariñaos.

A asociación ecoloxista Adega emprenderá accións legais contra a destrución ambiental de Barreiros, co fin de poñer o caso da Mariña luguesa no punto de mira para outros concellos da costa. A preocupación polas novas explotacións mineiras que atentan contra o medio ambiente deixouse sentir tamén na 37 asemblea celebrada onte en Compostela na que Virxinia Rodríguez foi elixida de novo presidenta.